Bu günə qədər Azərbaycan 140-dan çox ölkəyə maliyyə, texniki və potensialın gücləndirilməsi sahəsində yardım göstərib.

Far.Az report-a istinadən xəbər verir ki, bunu xarici işlər nazirinin müavini Yalçın Rəfiyev Bakıda keçirilən İslam İnkişaf Bankı (IsDB) Qrupunun 51-ci İllik Toplantısı çərçivəsində təşkil olunmuş panel müzakirələrində bildirib.

"Azərbaycan öz donor fəaliyyəti vasitəsilə 44 ən az inkişaf etmiş ölkədən 43-nü, Afrikanın 54 ölkəsindən 53-nü və İslam Əməkdaşlıq Təşkilatının 57 üzv dövlətindən 51-ni dəstəkləyib. Davamlı inkişaf yerli potensialın gücləndirilməsi, bilik və təcrübənin bölüşülməsi və milli mülkiyyətdə olan inkişaf layihələrinin dəstəklənməsi yolu ilə ən yaxşı şəkildə əldə edilir",- deyə o qeyd edib.

Nazir müavini həmçinin təmsil etdiyi qurumun nəzdində fəaliyyət göstərən Azərbaycan Beynəlxalq İnkişaf Agentliyi ilə IsDB arasında artan əməkdaşlığı vurğulayıb: "Birgə səylərimiz 4 prioritet istiqamət ətrafında inkişaf etdirilir: rəqəmsal innovasiya (NİKT), səhiyyə və peşə təhsili, iqlim davamlılığı və humanitar yardım, xüsusilə Afrika, eləcə də Suriya, Əfqanıstan və digər həssas ölkələrə diqqət yetirmək. Ümid edirik ki, bugünkü müzakirələr bu tərəfdaşlığı daha da gücləndiməyə və yerlərdə davamlı təsir göstərən əməkdaşlıq üçün praktiki yolları müəyyən etməyə kömək olacaq".

Oxşar xəbərlər

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Məhəmməd Əl-Casir: "IsDB Azərbaycanın uzunmüddətli inkişaf və artım hədəflərinə dəstəyində qətiyyətlidir" - YENİLƏNİB