Almaniya və Polşanın müdafiə nazirləri Boris Pistorius ilə Vladislav Kosinyak-Kamış müdafiə əməkdaşlığı haqqında saziş imzalayıblar.

"Far.Az" xəbər verir ki, bu barədə PAP agentliyi məlumat yayıb.

Qeyd olunub ki, saziş ilk növbədə hərbi mobillik, infrastrukturun inkişafı, logistik təminat, dənizçilik sahələrini, xüsusən də Baltik dənizində əməkdaşlığı, kibertəhlükəsizlik və kosmik fəzanı əhatə edir.

İmzalanma mərasimi Varşavada baş tutub. Qeyd edilib ki, yeni saziş 2011-ci ildə hökumətlər arasında imzalanmış əvvəlki sənədi əvəz edəcək.

"Təşəbbüs Mərkəzi-Şərqi Avropadakı mövcud təhlükəsizlik vəziyyəti nəzərə alınmaqla, cari operativ əməkdaşlığın sistemləşdirilməsinə yönəlib. Bu sənəd NATO və Avropa İttifaqı çərçivəsindəki müdafiə mexanizmlərini tamamlayacaq", – Polşanın Müdafiə Nazirliyindən bildirilib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

"Report" İA və Baku TV Çinin nüfuzlu CCTV+ agentliyi ilə əməkdaşlıq memorandumu imzalayıblar

Ukrayna və Azərbaycan səhiyyə nazirləri saziş imzalayıb, əməkdaşlıq genişləndirilir