Türkiyənin xarici işlər naziri Hakan Fidan sabah Ukraynaya səfər edəcək.

"Report" xəbər verir ki, bu barədə Ukrayna XİN başçısı Andrey Sibiqa sosial şəbəkələrdə bildirib.

"Sabah Ukraynada Hakan Fidanla görüşməyi səbirsizliklə gözləyirəm, bu zaman biz qarşılıqlı maraq doğuran bütün sahələrdə strateji tərəfdaşlığımızı inkişaf etdirməyə davam edəcəyik", - o qeyd edib.

Onun sözlərinə görə, Ukrayna və Türkiyə arasında azad ticarət sazişinin Ukrayna Ali Radası tərəfindən ratifikasiya edilməsi ikitərəfli münasibətlərdə mühüm bir mərhələdir:

"Bu saziş - çoxillik mürəkkəb işin nəticəsidir və bugünkü səsvermə ümumi səylərimizi nəzərəçarpacaq nailiyyətə çevirir. Saziş hər iki tərəfdən biznes və insanlar üçün yeni imkanlar yaradaraq ölkələrimiz arasında ticarətin, investisiyaların və iqtisadi əməkdaşlığın genişləndirilməsində yeni bir fəsil açır. Strateji tərəfdaş olaraq, Ukrayna və Türkiyə təkcə iqtisadi dayanıqlığı deyil, həm də Qara dəniz regionunda, onun hüdudlarından kənarda uzunmüddətli rifah və sabitliyin əsaslarını möhkəmləndirir".

Oxşar xəbərlər

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib