Gürcüstanın Baş naziri İrakli Kobaxidze Tacikistan Prezidenti Emoməli Rəhmon ilə görüşdə Orta Dəhliz üzrə səylərin gücləndirilməsinin və marşruta əlavə yüklərin cəlb edilməsinin vacibliyini bildirib.

"Report"un yerli bürosu xəbər verir ki, bu barədə İ.Kobaxidze Tacikistan Prezidenti ilə birgə keçirdiyi brifinqdə deyib.

Onun sözlərinə görə, görüş zamanı tərəflər ticarət-iqtisadi əməkdaşlığın genişləndirilməsi imkanlarını ətraflı müzakirə ediblər.

İ.Kobaxidze bildirib ki, tərəflərin razılığı əsasında iqtisadi məsələlər üzrə hökumətlərarası komissiya yaradılıb və əməkdaşlığın bütün istiqamətlərdə inkişafı bu platforma çərçivəsində təmin olunacaq.

Gürcüstanın Baş naziri görüşdə nəqliyyat və logistika sahəsində əməkdaşlıq perspektivlərinin də müzakirə olunduğunu qeyd edərək, Orta Dəhlizin strateji əhəmiyyətinin xüsusi vurğulandığını deyib.

"Bu istiqamətdə səylərin gücləndirilməsinin və əlavə yüklərin cəlb edilməsinin vacibliyini qeyd etdik", – o vurğulayıb.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Səfir: İordaniya Azərbaycan vasitəsilə Qafqaz və Mərkəzi Asiya bazarlarına çıxışa ümid edir - MÜSAHİBƏ