Azərbaycanın "Odlar yurdu" şahmat komandasının üzvləri növbəti yarışlarda daha yaxşı nəticələr qazanmaq üçün çalışacaqlar.

Bu barədə "Far.Az"a komandanın üzvü Vüqar Manafov açıqlama verib.

O, Honq Konqda komandalar arasında təşkil olunmuş rapid və blits üzrə dünya çempionatı haqqında fikirlərini bölüşüb:

"Yarış çox maraqlı keçdi. Komandamızda gözəl ab-hava var idi. Bütün şahmatçılar qələbə qazanmaq istəyirdi. Yarışda güclü komandalara qalib gəldik. Maqnus Karlsenin çıxış etdiyi "WR Chess" kollektivini də üstələdik. Bu nəticəyə görə komanda yoldaşlarıma təşəkkür etdim. Hamımız əla oynadıq. Növbəti yarışlarda bundan da yaxşı nəticələr qazanmaq üçün çalışacağıq".

V.Manafov altıncı lövhədə ən yüksək nəticəyə görə qızıl medala layiq görülməsi ilə bağlı da danışıb:

"Komandadakı şahmatçıların hər birinə güvəndiyim üçün bu nəticəni qazana bildim. Ölkəmizi təmsil etdiyimizə görə fəxr edirik. Bu medala görə görə komanda yoldaşlarıma minnətdaram.

Xatırladaq ki, "Odlar Yurdu" blits üzrə turnirin 1/8 finalında Özbəkistana məğlub olub. Komanda rapid üzrə mübarzədə isə 15 xalla 11-ci yeri tutub.

Oxşar xəbərlər

Global Media Group şahmat turniri təşkil etdi

Hon Konqda binada baş verən yanğında 44 sakin ölüb, 279-nun taleyi bəlli deyil

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Şahmat Federasiyasının rəhbərliyi gənc şahmatçıların valideynləri ilə görüş keçirib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib