Bakı Dövlət Universitetinin (BDU) bir qrup tələbəsi və valideyn məzun gecəsinin təşkili ilə bağlı toplanan vəsaitin geri qaytarılmamasından şikayət edir.

Far.Az-in redaksiyasına daxil olan müraciətdə bildirilir ki, yığılan pul müqabilində nə məzun gecəsi təşkil olunub, nə də pul geri qaytarılıb.

İddialara görə, tədbirə cəmi bir gün qalmış məzunlara gecənin baş tutmayacağı barədə məlumat verilib. Qeyd olunub ki, tədbirin təşkilatçılarından biri kimi təqdim olunan şəxs tərəfindən təxminən 250 tələbədən hər biri 185 manat olmaqla ümumilikdə 46 250 manat vəsait toplanıb.

Tələbələrə yığılan pulun 10 gün ərzində geri qaytarılacağı vəd edilib. Lakin şikayətçilər isə bu müddətin onlar üçün qəbuledilməz olduğunu bildirirlər. Onların sözlərinə görə, bir çox tələbə məzun gecəsini başqa məkanda təşkil etmək üçün ödədikləri vəsaitə ehtiyac duyur.

Qeyd edək ki, hadisə nəticəsində yüzlərlə tələbə və valideyn həm maddi, həm də mənəvi zərər görüb. Onlar toplanmış vəsaitin taleyi, yaranmış vəziyyətin səbəbləri və məsul şəxslərin öhdəlikləri ilə bağlı aidiyyəti qurumlar tərəfindən araşdırma aparılmasını istəyirlər.

Şikayətçilər hüquq-mühafizə orqanlarına və digər aidiyyəti dövlət qurumlarına müraciət edərək məsələyə hüquqi qiymət verilməsini, eləcə də ödənilmiş vəsaitlərin sahiblərinə qaytarılması üçün müvafiq tədbirlərin görülməsini xahiş edirlər.

Əldə etdiyimiz məlumata görə, pul vəsaitlərinin ələ keçirilməsi ilə bağlı polis idarəsinə müraciətlər daxil olub. Ərizə və izahatlar alınıb. Araşdırmalar davam etdirilir.

Oxşar xəbərlər

122 minlik çantası, 220 minlik libası, 500 minlik evi ilə gündəm olan MƏŞHURLAR - SİYAHI

Leyla Əliyeva "Mənzərəyə açılan ev" mövzusunda qrup sərgisində iştirak edib

BDU-da şəhid jurnalist Məhərrəm İbrahimova həsr olunmuş kitabın təqdimatı keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN