Xankəndi şəhərində Azərbaycan Silahlı Qüvvələrinin yaranma günü münasibətilə təntənəli yürüş başa çatıb.

"Far.Az"un Xankəndiyə ezam olunan əməkdaşı xəbər verir ki, yürüş Zəfər meydanından başlayaraq şəhərin giriş qapısına qədər davam edib.

Tədbir yerli sakinlər və şəhərin qonaqları tərəfindən böyük maraqla qarşılanıb.

Tədbirdə Azərbaycan Prezidentinin Xankəndi şəhərində Ağdərə və Xocalı rayonlarında xüsusi nümayəndəliyinin, dövlət qurumlarının rəsmiləri, Xankəndi şəhərində, Ağdərə və Xocalı rayonlarında fəaliyyət göstərən Bərpa, Tikinti və İdarəetmə Xidmətinin nümayəndələri, həmçinin dövlət və özəl qurumların əməkdaşları, hüquq-mühafizə orqanlarının əməkdaşları iştirak ediblər.

10:11

Azərbaycan Respublikasının Silahlı Qüvvələrinin yaradılmasının 108-ci ildönümü münasibətilə Xankəndi şəhərində hərbçilərin yürüşü keçirilir.

"Far.Az"un Xankəndiyə ezam olunan əməkdaşı xəbər verir ki, Azərbaycan Ordusunun hərbi qulluqçularının şəhərin mərkəzi küçələri boyunca təntənəli keçidi ilə başlayan yürüş Müdafiə Nazirliyinin hərbi orkestrinin müşayiəti ilə keçirilib, vətənpərvərlik ruhunda musiqilər səsləndirilib.

Azad Xankəndi torpağında yürüş edən hərbi qulluqçular, vətəndaşlar tərəfindən alqışlarla qarşılanıb.

Oxşar xəbərlər

Bakıda Zəfər muzeyinin açılışı olub

Prezident İlham Əliyev Xankəndi şəhərində Zəfər parkının açılışında iştirak edib

Prezident İlham Əliyev Xocalı Soyqırımı Memorialının açılışında iştirak edib - YENİLƏNİB-4

20 Sentyabr - Neftçilər Günü münasibətilə tədbir keçirilib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib