Amerika tərəfi Qrenlandiyadakı bazalarından və obyektlərindən hərbi qüvvələrini çıxararkən Danimarka adasında xeyli miqdarda təhlükəli tullantı qoyub.

"Report" xəbər verir ki, bu barədə "Politiken" qəzeti məlumat yayıb.

"ABŞ Qrenlandiyada əvvəllər məlum olduğundan daha geniş ərazini çirkləndirib. Bu, "Politiken" tərəfindən dünyanın ən böyük adasında ən azı 36 keçmiş ABŞ bazası və hərbi qurğusunda aparılan araşdırmanın nəticələrinə əsasəndir", - deyə nəşr bildirib.

Konkret olaraq, jurnalistlər keçmiş Amerika bazalarında yüzlərlə paslı dizel yanacağı çəlləyi aşkar ediblər. Həmçinin ərazilərdə milyonlarla litr yüngül radioaktiv su, köhnə borular və kabellər, avtomobil akkumulyatorları və ətraf mühitə zərərli ola biləcək digər tullantılar da qalıb. Nəşrin məlumatına görə, tullantıların ümumi həcmi bir neçə min tona çatır.

Məqalə müəlliflərinin qeyd etdiyi kimi, amerikalılar tərəfindən atılan tullantılarda ağır metallar da daxil olmaqla müxtəlif zərərli maddələr var. Bu maddələr ətraf mühitə, o cümlədən Qrenlandiya sahillərindəki dəniz məhsullarına və digər dəniz canlılarına zərər verir.

Oxşar xəbərlər

Azərbaycandan Ermənistana 4 500 tona yaxın dizel yanacağı Güzdəkdən yola salınır

Azərbaycandan Ermənistana dizel yanacağı göndərilib

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN