Türk dövlətləri arasında müxtəlif sahələrdə təcrübə mübadiləsi zəruridir.

"Report"un Şuşaya ezam olunan əməkdaşı xəbər verir ki, bunu TDT-yə üzv dövlətlərin dini məsələlər üzrə dövlət qurumları rəhbərlərinin Şuşa şəhərində keçirilən Birinci görüşündəki çıxışında Qırğız Respublikası Prezidenti yanında Dini, Məsələlər və Millətlərarası Münasibətlər üzrə Milli Agentliyin sədri Talantbek Taşibekov deyib.

O, qeyd edib ki, informasiya texnologiyalarının inkişafı şəraitində türk dövlətləri arasında təcrübə mübadiləsi zəruridir:

"Müxtəlif qlobal trendlər qarşılıqlı maraq doğuran məsələlərlə bağlı təcrübə mübadiləsini və əlaqələndirilmiş yanaşmaların inkişaf etdirilməsini zərurətə çevirir. Bu baxımdan, Türk Dövlətləri Təşkilatı çərçivəsində əməkdaşlığın inkişaf etdirilməsi xüsusilə aktualdır. Ölkələrimizi ortaq tarixi köklər, mədəni yaxınlıq, sülhü, sabitliyi və sosial harmoniyanı qorumaq istəyi birləşdirir.

Bu çərçivədə dövlətlərimizin inkişafı üçün həyati əhəmiyyətli resurs olan gənclərə xüsusi diqqət yetirilməlidir. Təhsil mübadiləsi, elmi əməkdaşlıq və mədəni qarşılıqlı əlaqə üçün imkanların yaradılması Türk dünyasının gənc nəsilləri arasında qarşılıqlı anlaşmanın möhkəmləndirilməsinə və davamlı humanitar əlaqələrin formalaşmasına töhfə verəcək".

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyev Türküstanda TDT-nin qeyri-rəsmi Zirvə görüşündə iştirak edib

Bişkekdə TDT ölkələri hökumət başçılarının iclası olub, Birgə Bəyanat qəbul edilib