V "Cyber Summer School 2026" çərçivəsində iştirakçılar üçün velotur təşkil olunub.

"Far.Az"un Qərb bürosunun məlumatına görə, tədbir Azərbaycan Kibertəhlükəsizlik Təşkilatları Assosiasiyası (AKTA), Mingəçevir Dövlət Universiteti və Gənclər və İdman Nazirliyinin Aran Regional Gənclər və İdman İdarəsinin birgə təşkilatçılığı ilə baş tutub.

Veloturun əsas məqsədi iştirakçılar arasında sağlam həyat tərzinin təşviqi, fiziki aktivliyin artırılması, komanda ruhunun gücləndirilməsi, mikro nəqliyyat vasitələrindən istifadənin təşviqi, eləcə də düşərgə iştirakçıları arasında əməkdaşlıq və qarşılıqlı ünsiyyətin inkişafına töhfə vermək olub.

Tədbir zamanı iştirakçılar Mingəçevir şəhərində əvvəlcədən müəyyən edilmiş marşrutlar üzrə hərəkət edərək həm fiziki aktivlik nümayiş etdirib, həm də qeyri-formal mühitdə ünsiyyət qurmaq və komanda ruhunu daha da möhkəmləndirmək imkanı əldə ediblər. Veloturun sonunda bütün iştirakçılara diplomlar təqdim olunub.

Qeyd edək ki, V "Cyber Summer School 2026" yay düşərgəsi çərçivəsində kibertəhlükəsizlik üzrə nəzəri və praktiki təlimlərlə yanaşı, iştirakçıların fiziki və sosial inkişafını dəstəkləyən müxtəlif idman və komanda fəaliyyətləri də təşkil olunur. Bu cür tədbirlər gənclər arasında sağlam həyat tərzinin təşviqinə, liderlik və əməkdaşlıq bacarıqlarının inkişafına, həmçinin düşərgə iştirakçıları arasında dostluq münasibətlərinin möhkəmləndirilməsinə xidmət edir.

Oxşar xəbərlər

Mingəçevirdə V "Cyber Summer School 2026" kiber yay düşərgəsinə start verilib

"Cyber Summer School 2026"nın iştirakçıları kibertəhlükəsizliyin əsas istiqamətləri barədə məlumatlandırılıb

Leyla Əliyeva Mingəçevirdə ekoloji aksiyalarda iştirak edib

"Cyber Summer School 2026" çərçivəsində voleybol turniri keçirilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib