Hesablama Palatasının sisteminə 1 000-dən çox dövlət qurumu inteqrasiya olunub.

"Far.Az" xəbər verir ki, bunu Hesablama Palatasının Səmərəlilik auditi şöbəsinin müdiri Zaur Vəliyev "Rəqəmsal Maliyyə Ekosistemi: İdarəetmədə Yeni Mərhələ" adlı konfransda deyib.

Onun sözlərinə görə, Hesablama Palatasının fəaliyyətində kənar dövlət maliyyə nəzarətinin iki əsas komponenti var: "Bunlardan biri audit fəaliyyəti, digəri isə büdcə prosesində Palatanın iştirakıdır. Bu istiqamətlər üzrə fəaliyyətin keyfiyyətinin yüksəldilməsi dövlət maliyyəsinin idarə edilməsinə töhfə baxımından mühüm əhəmiyyət daşıyır. Biz bunu sadəcə bir alət kimi deyil, dövlət maliyyəsinin idarə edilməsinə birbaşa töhfə verən fəaliyyət kimi qiymətləndiririk".

Z. Vəliyev bildirib ki, burada əsas məsələ funksionallığın son məqsədinin nədən ibarət olduğunu anlamaqdır: "Xüsusilə dövlət sektorunda fəaliyyət göstərən qurumların, o cümlədən dövlət maliyyəsi ilə bağlı qurumların bunu dərk etməsi vacibdir. Qısa müddət ərzində artıq 1 000-dən çox dövlət qurumu sistemə inteqrasiya olunub. Həmçinin 5 000-dən çox hesabat sistemə daxil edilib və ilkin emaldan keçirilib. Söhbət platformaya daxil olan məlumatların müxtəlif risk göstəriciləri və meyarları əsasında qiymətləndirilməsindən gedir. Bu, ilkin təhlil prosesidir".

O qeyd edib ki, inteqrasiya prosesi davam edir: "Hazırda əməkdaşlarımız platformanın inteqrasiyası üzərində işləyirlər. Eyni zamanda, platformanın daha çevik işləməsi istiqamətində də işlər davam etdirilir. Digər məsələ platformanın yeni müstəviyə çıxarılması və maliyyə hesabatlılığı baxımından daha geniş imkanların yaradılmasıdır. Bu məqsədlə qarşıdakı illərdə də inteqrasiyanı davam etdirmək niyyətindəyik. Eyni zamanda, süni intellekt elementlərinin tətbiqi də bu prosesdə mühüm istiqamətlərdən biri olacaq".

Oxşar xəbərlər

Leyla Əliyeva Türkmənistanda beynəlxalq konfransda iştirak edib

Prezident Ərəb Koordinasiya Qrupuna üzv qurumların rəhbər şəxslərini qəbul edib

DSX-nin Logistika Mərkəzi və Sərhəd Nəzarətinin Tədris Mərkəzi xidməti istifadəyə verilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Dövlət Komitəsinin sədri beynəlxalq konfransda çıxış edib