ABŞ-nin İllinoys ştatında quş qripi yayılması nəticəsində təxminən 935 min yumurtlayan toyuq məhv edilib. Bu vəziyyət ölkədə yumurta qıtlığı və qiymət artımı ilə bağlı narahatlıqları artırıb.

Far.Az xəbər verir ki, bu barədə "SonDakika.com" məlumat yayıb.

Yüksək patogenli quş qripi Klinton dairəsində, Germantoun yaxınlığında yerləşən kommersiya yumurta istehsalı müəssisəsində aşkarlanıb. ABŞ Kənd Təsərrüfatı Nazirliyi xəstəliyin 934 600 quşu əhatə etdiyini təsdiqləyib.

Müəssisənin ölkənin ən böyük yumurta istehsalçılarından biri olan "Rose Acre Farms" şirkətinə məxsus olduğu bildirilir. Quşların məhv edilməsi xəstəliyin digər təsərrüfatlara yayılmasının qarşısını almaq məqsədi daşıyır.

Qeyd edək ki, 2022-ci ildən bəri ABŞ-də quş qripi səbəbindən 210 milyondan çox ev quşu tələf olub və ya məhv edilib. Yeni yoluxmanın yumurta qiymətlərinə nə dərəcədə təsir göstərəcəyi isə hələlik məlum deyil.

Oxşar xəbərlər

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Alla Puqaçova ilə 11 il yaşadığı evi 240 milyona satır

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

Şəkidə canavarlar kəndə HÜCUM EDİB: Təsərrüfatlara ciddi ziyan dəyib

Amnistiya aktı məntəqə tipli cəzaçəkmə müəssisəsində icra olunub