Azərbaycanın da ev sahibi olduğu qadın voleybolçular arasında Avropa çempionatının (CEV EuroVolley 2026) təşkili ilə bağlı Bakıda növbəti iclas keçirilib.

Bu barədə "Report"a Azərbaycan Voleybol Federasiyasından (AVF) məlumat verilib.

AVF-nin vitse-prezidenti Bəhruz Quliyevin rəhbərliyi ilə baş tutan iclas C qrupunun oyunlarının keçiriləcəyi Milli Gimnastika Arenasında təşkil olunub. Toplantıda akkreditasiya prosesi, komandaların və qonaqların qarşlanması, oyunların yayımı, təhlükəsizliklə bağlı görülən işlər müzakirə olunub, həmçinin qarşıdakı dövr üçün nəzərdə tutulan təşkilati məsələlərlə bağlı tapşırıqlar verilib.

Qeyd edək ki, avqustun 21-28-də Bakının ev sahibliyi edəcəyi C qrupunda Azərbaycan, Portuqaliya, Niderland, Belçika, Rumıniya və İspaniya milli komandaları mübarizə aparacaqlar. CEV EuroVolley 2026-nın digər qruplarının oyunları isə Türkiyə (A qrupu), Çexiya (B qrupu) və İsveçdə (D qrupu) keçiriləcək.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib