İran Silahlı Qüvvələri ABŞ Prezidenti Donald Trampın Vaşinqtonun strateji su yolu üzərində ehtimal olunan nəzarəti barədə bəyanatları fonunda ABŞ-nin Hörmüz boğazının idarə olunmasına müdaxilə etməsinə imkan verməyəcəyini bildirib.

"Report" "Sky News"a istinadən xəbər verir ki, bu barədə İran Silahlı Qüvvələrinin Birləşmiş Komandanlığının nümayəndəsi bildirib.

"Əvvəlki xəbərdarlıqlardan sonra biz ABŞ-nin Hörmüz boğazının idarə olunmasına müdaxilə etməsinə imkan verməyəcəyik", - o deyib.

Nümayəndənin sözlərinə görə, İran Silahlı Qüvvələri kommersiya və neft tankerlərinin keçidinin təhlükəsizliyinə qarşı istənilən pozuntu və ya təhdidə, əgər bunlar müəyyən edilmiş marşrutlardan kənarda və İran hakimiyyətinin icazəsi olmadan həyata keçirilərsə, qətiyyətlə cavab verəcək.

İran ordusunun nümayəndəsi həmçinin bildirib ki, ABŞ ilə istənilən əməkdaşlıq və ya onlara logistik dəstəyin göstərilməsi İranın suverenliyinə və milli təhlükəsizliyinə qarşı müharibə aktı kimi qiymətləndiriləcək.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan məktəblərində 263 müəssisədə sanitar pozuntu aşkarlanıb

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2