Avropa Komissiyası Serbiyanın Aİ-yə üzvlüklə bağlı danışıqlarda III klasterin açılması üçün bütün meyarları yerinə yetirdiyini təsdiqləyib.

"Report"un Balkan bürosu xəbər verir ki, bunu Serbiya Prezidenti Aleksandar Vuçiç Kiyevdə Cənub-Şərqi Avropa – Ukrayna Sammitində iştirak etdikdən sonra jurnalistlərə açıqlamasında deyib.

O vurğulayıb ki, hətta bu klaster iyul ayında açılmasa belə, ölkə iqtisadi inkişafını davam etdirəcək və bütün tərəflərlə yaxşı münasibətlər qurmağa çalışacaq:

"Buna görə ümidsizliyə qapılmağa ehtiyac yoxdur. Bu, o qədər də ciddi məsələ deyil və Serbiyaya nə böyük itki, nə də böyük qazanc gətirəcək. Biz işləməyə davam edəcəyik. Əsas məsələ ölkəmizin iqtisadi inkişafını təmin etmək və hamı ilə yaxşı münasibətlər qurmaqdır".

Vuçiç əlavə edib ki, Serbiya Milli Assambleyasının sədri Ana Brnabiç, Serbiyanın Avropa İttifaqı yanında missiyasının rəhbəri və Aİ-yə üzvlüklə bağlı danışıqlarda baş müzakirəçi Danijel Apostoloviç, eləcə də Avropaya inteqrasiya naziri Nemanya Staroviç III klasterin açılması üçün böyük səylər göstəriblər.

Oxşar xəbərlər

Prezident İlham Əliyev Yaxın Şərq Sülh Sammitində iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN