"ASAN xidmət" sadəcə vətəndaşlara xidmət göstərən bir mərkəz deyil, Prezidentin dövlət xidmətləri sahəsində həyata keçirdiyi institusional islahat, korrupsiyaya qarşı mübarizə və rəqəmsal transformasiyanın təməl daşı olan unikal bir modeldir".

BAKU.WS xəbər verir ki, bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Baku TV və "Teleqraf" agentliyinə müsahibəsində deyib.

Agentlik sədrinin sözlərinə görə, 2012-ci ildə təməli qoyulan bu modelin əsasında şəffaflıq, rahatlıq, əlçatanlıq və bürokratiyadan azadlıq prinsipləri dayanır.

Ülvi Mehdiyev qeyd edib ki, BMT-nin İnsan Hüquqları Şurasının xüsusi qətnaməsinə və Dayanıqlı İnkişaf Məqsədlərinə birbaşa töhfə verən bu platforma, vətəndaş hüquqlarının təmin edilməsi üçün əsaslı hüquqi bazadır.

"ASAN xidmət"in rəqəmsal transformasiya prosesindəki roluna toxunan Ülvi Mehdiyev vurğulayıb ki, qurum tərəfindən indiyədək 50-dən çox informasiya sistemi yaradılıb.

Sədr bildirib ki, dünyanın bir çox ölkəsinin bu modeli öz ərazilərində tətbiq etməkdə maraqlı olmasının əsas səbəbi, onun biznes proseslərini optimallaşdıran və dövlət idarəçiliyini rəqəmsallaşdıran uğurlu mexanizm olmasıdır.

Oxşar xəbərlər

Ülvi Mehdiyev Baku TV-yə müsahibə verib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib