Poeziya və mədəniyyət türk xalqlarını mənəvi cəhətdən birləşdirir.

"Report"un Şuşaya ezam olunmuş əməkdaşı xəbər verir ki, bunu TÜRKSOY-un Baş katibi Sultan Raev Vaqif Poeziya Günləri çərçivəsində "Sözün sabahı: Türk dünyanın gənc şairlər festivalında deyib.

O, bu gün Şuşada və Ağdamda ortaq tarix, dil, mədəniyyət və gələcəyə inamı bir daha möhkəmləndirdiklərini bildirib:

"Dövlətləri sərhədlər ayırsa da, mədəniyyət, incəsənət və poeziya onları mənəvi cəhətdən birləşdirir. Türk dünyasının ortaq yaddaşını yaşadan ən güclü dəyərlərdən biri ədəbiyyatdır. Bu böyük ədəbi ənənə bizi ortaq bir sivilizasiya çətiri altında bir araya gətirir. TÜRKSOY olaraq ortaq mədəni irsimizi gələcək nəsillərə çatdırmağı ən mühüm vəzifələrimizdən biri hesab edirik".

Sultan Raev Vaqif Poeziya Günləri çərçivəsində yaranacaq əsərlərin kitab halında nəşr olunmasının da xüsusi əhəmiyyət daşıdığını vurğulayıb.

Oxşar xəbərlər

Bakı Kitab Mərkəzində "Zəfər sevinci" adlı musiqili-ədəbi gecə keçirilib

"Kağız gətir - kitab apar" sosial-ekoloji layihəsinə start verildi

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Hər kəs üçün təhsil: İnklüzivliyə dair ilk üçdilli kitab təqdim olundu

Azərbaycan-Gürcüstan dostluğunu və milli irsi yaşadan mərkəz - Axundov Muzeyindən REPORTAJ