İraq və Suriya İraqın mərkəzi hissəsində yerləşən Hədisa şəhəri ilə Aralıq dənizi sahilindəki Suriyanın Baniyas şəhəri arasında neft kəmərinin modernləşdirilməsi və fəaliyyətinin bərpasına yönəlmiş saziş imzalayıblar.

"Report" xəbər verir ki, bu barədə "INA" agentliyi məlumat yayıb.

"Tərəflər (İraq və Suriya) arasında Hədisa şəhərindən Baniyasa qədər uzanan neft kəmərinin bərpası ilə bağlı anlaşma memorandumu imzalanıb", - deyə məlumatda bildirilib.

Qeyd olunub ki, layihəyə ABŞ-nin "Chevron" şirkəti rəhbərlik edəcək.

" Al-Monitor" portalının məlumatına görə, neft kəmərinin fəaliyyətinin bərpası layihəsinin texniki və texniki-iqtisadi əsaslandırılması ilə ABŞ-ın "Chevron" və "Capital TI" şirkətlərindən, həmçinin Qətərin "UCC" şirkətindən ibarət konsorsium məşğul olmalıdır.

İraq hakimiyyəti hesab edir ki, Hədisa–Baniyas neft kəməri hissəsinin bərpası ölkənin şimalındakı Kərkük vilayətində hasil olunan neftin Aralıq dənizi sahilində yerləşən Suriyaya tədarükünü əhəmiyyətli dərəcədə artırmağa imkan verəcək. Daha sonra xammalın Avropaya ixracı planlaşdırılır.

Oxşar xəbərlər

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

"Report" İA və Baku TV Çinin nüfuzlu CCTV+ agentliyi ilə əməkdaşlıq memorandumu imzalayıblar

Bakı Uşaq və Gənclər Teatrı yeni  layihəyə start verib.

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3