Ukrayna hərbçiləri Luqansk vilayətinin Rusiyanın nəzarətində olan ərazisində, Sabovka yaxınlığında Belaya çayı üzərindəki dəmir yolu körpüsünü vurublar.

"Report" xəbər verir ki, bu barədə Ukrayna Müdafiə Qüvvələri teleqram kanalında məlumat yayıb.

Bildirilib ki, iyulun 18-nə keçən gecə Ukrayna Müdafiə Qüvvələri bölmələri Rusiya ərazisində və Ukraynanın müvəqqəti işğal olunmuş ərazilərində bir sıra hərbi və hərbi-iqtisadi obyektlərə zərbələr endirib.

Xüsusilə, Moskva ətrafındakı Noqinskdə yerləşən "Nafto-Servis" neft bazasına zərbə endirildiyi və bundan sonra obyektdə yanğın baş verdiyi bildirilir.

Bundan əlavə, Azov və Qara dəniz akvatoriyalarında iki tanker, iki kran və bir yedək gəmisi vurulub.

Ayrıca olaraq, Kerçdə 10410 "Svetlyak" layihəli gözətçi gəmisinin vurulduğu da bildirilir. Ukrayna qüvvələri vurğulayır ki, bu, son iki gün ərzində həmin layihəyə aid vurulan artıq ikinci gəmidir.

Oxşar xəbərlər

Bakıda obyektdə güclü PARTLAYIŞ - 7 nəfər xilas edilib, yaralılar var

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azov dənizində gəmiyə dron hücumunda həlak olan Fuad Orucov Xaçmazda dəfn edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN