Ukraynanın pilotsuz uçuş aparatları ilə (PUA) hücumu nəticəsində Rusiyanın Krasnodar diyarının Armavir şəhərindəki neft bazasının ərazisində 800 kv.m sahədə yanğın baş verib.

"Far.Az" yerli mediaya istinadən xəbər verir ki, bu barədə şəhər administrasiyasından bildirilib.

"Bu gün Armavir ən irimiqyaslı hücumlardan birinə məruz qalıb: Şimal sənaye zonasındakı neft bazasına 16-dan çox pilotsuz aparat hücum edib. Operativ xidmətlərin məlumatına görə, zərbə nəticəsində obyektin ərazisində yanğın baş verib, onun sahəsi təxminən 800 kvadratmetrə çatıb. Bütün təcili xidmətlər dərhal hadisə yerində işə başlayıb", - məlumatda deyilir.

Fəsadların aradan qaldırılması üçün Rusiya Fövqəladə Hallar Nazirliyinin 9 xüsusi texnikası və 40-dan çox əməkdaşı cəlb edilib. Mütəxəssislər yanğının lokallaşdırılması və alovun daha da yayılmasının qarşısının alınması istiqamətində aktiv işlər aparırlar.

Oxşar xəbərlər

Lökbatanda anbardakı yanğının söndürülməsinə 2 helikopter cəlb olunub - YENİLƏNİB-4

Tuapsedə PUA hücumundan sonra "qara yağış" canlılara ZƏRƏR VURUB

Rusiyanın PUA hücumundan sonra Kiyev

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Fövqəladə Hallar Nazirliyi Bakı Sağlamlıq Mərkəzində təlim keçirib