Gündəlik məşqlərlə paralel olaraq heyətini də komplektləşdirməyə çalışan "Araz-Naxçıvan" daha bir legionerlə anlaşıb.

Bu barədə "Far.Az"a klubun mətbuat xidmətindən məlumat verilib.

Qvineyalı dayaq yarımmüdafiəçisi Mamadu Kane yeni mövsümü "Araz-Naxçıvan"ın heyətində keçirəcək. Onunla imzalanan müqavilənin müddəti 1 illikdir.

29 yaşlı futbolçu müxtəlif illərdə "Satellite", "Kaloum", "Qanqan", "Neftçi" (Bakı), "Olimpiakos", "Rodina Moskva", "Auda", "Etnikos" klublarında çıxış edib. Sonuncu klubu isə Kiprin "Pafos" komandası olub.

Kane 2020-ci ildə Qvineya millisinin heyətində 19 oyun keçirib, 5 qol vurub. O, 2017-ci ildə isə ölkəsinin U-20 yığmasına cəlb edilib, 7 matçda meydana çıxıb.

Qeyd edək ki, "Araz-Naxçıvan" buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsiya Fernandes, Alexandro Herrera, Rövlan Muradov, İssuf Paro, Bruno Franko, Artur Auqusto Da Silva, Mara Mohamed, Abdallah Sudi, Mustafa Əhmədzadə və Luka Dumançiçlə yeni müqavilə imzalayıb.

Oxşar xəbərlər

Vətən müharibəsinin başlamasından 4 il ötür

Şəhid olmuş bir qrup hərbi qulluqçu və mülki işçi ölümündən sonra təltif olunub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

"Araz-Naxçıvan" braziliyalı qapıçı Artur Auqusto Da Silvanı heyətinə qatıb