ABŞ-da sosial media fenomeni Sara Gilson və boşanma prosesində olduğu həyat yoldaşı Şon Daffi yaşadıqları evdə güllələnmiş halda ölü tapılıblar.

Far.Az xəbər verir ki, hadisə Oklahoma ştatında baş verib.

Polisin ilkin araşdırmasına görə, hadisənin qətl və intihar olması ehtimal edilir. Bildirilib ki, Sara Gilson təxminən iki həftə əvvəl TikTok hesabında paylaşdığı videoda həyat yoldaşını pedofiliyada ittiham etmişdi.

Rəsmi məlumata əsasən, iyulun 23-də 911 xidmətinə daxil olan ilk zəng zamanı telefonda qadın qışqırıqları və ardınca silah səsi eşidilib. Az sonra Gilsonun azyaşlı oğlu qonşunun evindən polisə zəng edərək ögey atasının anasını güllələdiyini bildirib.

Hadisə yerinə gələn hüquq-mühafizə orqanlarının əməkdaşları 43 yaşlı Sara Gilson və 48 yaşlı Şon Daffinin baş nahiyəsindən güllə yaraları almış vəziyyətdə öldüyünü müəyyən ediblər.

Məhkəmə sənədlərinə görə, Sara Gilson iyun ayında həyat yoldaşı barəsində mühafizə orderi aldırmışdı. Məhkəmə Şon Daffinin ona 100 metrdən artıq yaxınlaşmasını qadağan etmiş və onun evdən uzaqlaşdırılması barədə qərar çıxarmışdı.

Bundan əlavə, Şon Daffi məşqçisi olduğu basketbol komandasında çıxış edən 15 yaşlı qızla bağlı cinsi istismar iddiaları üzrə də istintaqa cəlb olunmuşdu. Məhkəmə sənədlərində onun yeniyetməyə uyğunsuz mesajlar göndərdiyi, fiziki təmasda olduğu və hadisəni gizli saxlamaq üçün pul təklif etdiyi iddia olunur.

ABŞ hüquq-mühafizə orqanları hadisə ilə bağlı araşdırmanın davam etdiyini, işin federal qurumların da nəzarətində olduğunu açıqlayıb.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezidentlər Şuşada Azərbaycanın tanınmış şəxsiyyətlərinin işğal dövründə güllələnmiş büstlərinə baxıblar

Azərbaycan və BƏƏ prezidentləri Şuşada güllələnmiş heykəllərə baxıblar

Silahlı Qüvvələrin bir qrup hərbi qulluqçu təltif edilib

Prezident İlham Əliyev Əfv Sərəncamı imzalayıb