Çinin cənubundakı Quanqdon əyalətində təsirini göstərən "Noul" tayfunu səbəbindən yüz minlərlə sakin təhlükəsiz ərazilərə köçürülüb.

Far.Az xəbər verir ki, bu barədə Çin mətbuatı məlumat yayıb.

Bildirilib ki, tayfun Quanqdon əyalətinin Huidun sahillərinə çataraq bölgədə güclü külək və leysan yağışlara səbəb olub.

Əlverişsiz hava şəraiti səbəbindən çoxsaylı qatar reysləri ləğv edilib, aviareyslərin icrasında isə ciddi gecikmələr və fasilələr yaranıb.

Rəsmilər tayfunla əlaqədar fövqəladə vəziyyətə reaksiya səviyyəsinin yüksəldildiyini və təhlükəsizlik məqsədilə 715 mindən çox sakinin təxliyə olunduğunu açıqlayıblar.

Hazırda bölgədə xilasetmə və fəsadların aradan qaldırılması istiqamətində işlər davam etdirilir.

Oxşar xəbərlər

Rəsmilər Şəhidlər xiyabanında

Prezident Azərbaycanda sosial müavinətləri artırdı - FƏRMAN

İşğaldan azad edilən ərazilərə daha 80 ailə köçürülüb

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb - YENİLƏNİB

Türkiyə mətbuatı Eldar Mansurovdan yazdı