İngiltərənin "Arsenal" klubu "Real"ın (İspaniya) hücumçusu Vinisius Junioru alacağı təqdirdə, onu komandanın ən çox maaş alan futbolçusu etmək məcburiyyətində qalacaq.

"Report" "The Times"a istinadən xəbər verir ki, London klubu vingerin klubu ilə müqaviləni yeniləməkdə çətinlik çəkməsi fonunda bu transfer variantını ciddi şəkildə nəzərdən keçirir.

Hazırda "Arsenal"da ən yüksək məvacib alan futbolçunun illik vergilər çıxılmadan təxminən 15,6 milyon funt-sterlinq (18,2 milyon avro) qazanan Bukayo Saka olduğu bildirilib.

Vinisiusun "Real"dakı xalis maaşı isə vergilər ödənildikdən sonra təxminən 14,9 milyon avro təşkil edir. Madrid təmsilçisi futbolçuya 20 milyon avrodan çox maaş təklif edib. Lakin braziliyalı ulduz təqribən 30 milyon avro qazanmaq niyyətindədir.

Xatırladaq ki, 25 yaşlı vingerin "Real"la müqaviləsinin müddəti 2027-ci ilin yayında başa çatacaq.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

"Torqovı"dakı yanğından son GÖRÜNTÜLƏR - Xəsarət alan var

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Bukayo Saka "Arsenal"ın tarixində ən çox maaş alan futbolçu olacaq

"Arsenal" Bukayo Saka ilə müqavilənin müddətini uzadıb