Suriya Prezidenti Əhməd Şara bildirib ki, Livanda yarana biləcək istənilən qeyri-sabitlik birbaşa Suriyaya təsir göstərəcək.

Far.Az xəbər verir ki, o, bu barədə Qətər mətbuatına müsahibəsində danışıb.

Şara vurğulayıb ki, Suriyanın Livana hərbi müdaxilə etmək niyyəti yoxdur. Onun sözlərinə görə, Dəməşq Livan hökuməti ilə birlikdə ölkədə yaranmış vəziyyətdən çıxış yollarının tapılması istiqamətində əməkdaşlıq edir.

Suriya Prezidenti hesab edir ki, Livandakı böhranın həlli yalnız təhlükəsizlik tədbirləri ilə məhdudlaşmamalıdır. O qeyd edib ki, silahlı qüvvələrdən istifadə, eləcə də müharibə və sülhlə bağlı qərarların qəbulunda yeganə səlahiyyət sahibi dövlət olmalıdır.

Əhməd Şara İsraillə hərbi qarşıdurmadan yayınmağa çalışdıqlarını da bildirib. Onun sözlərinə görə, belə bir münaqişə Suriyaya heç bir fayda gətirməyəcək.

Prezident əlavə edib ki, bir sıra ölkələrin iştirakı ilə İsraillə təhlükəsizlik sazişinin əldə olunması istiqamətində iş aparılır. O vurğulayıb ki, mümkün razılaşma Suriyanın işğal altında olan Colan təpələri üzərindəki hüquqlarından imtina etmədən regionda genişmiqyaslı sülh üçün zəmin yarada bilər.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2