Cari ilin ikinci rübündə SOCAR tərəfindən həyata keçirilən qazma işləri ötən ilin müvafiq dövrü ilə müqayisədə 32.3% artaraq 24 min metr təşkil edib.

BAKU.WS xəbər verir ki, bu barədə SOCAR məlumat yayıb.

Şirkətin müstəqil şəkildə və ya əsas payçı qismində istismar etdiyi yataqlardan 1.7 milyon ton neft, 1.8 milyard kubmetr qaz hasil olunub. Ölkə üzrə qaz hasilatı 2025-ci ilin müvafiq dövrü ilə müqayisədə 1% artaraq, 12.8 milyard kubmetr təşkil edib. Ümumilikdə, cari ilin ikinci rübündə Azərbaycanda 6,6 milyon tondan çox xam neft hasil olunub.

Hesabat dövründə SOCAR tərəfindən xarici bazarlara 3.3 milyon tondan çox neft ixrac edilib. Buraya şirkətin öz imkanları ilə çıxardığı neft həcmləri ilə birlikdə ölkəmizdə fəaliyyət göstərən beynəlxalq konsorsiumlar tərəfindən hasil olunan neftin Azərbaycan dövlətinə və SOCAR-a məxsus mənfəət payları da daxildir. Ölkə üzrə təbii qaz ixracı 6.3 milyard kubmetr, istehlakı isə təqribən 2.5 milyard kubmetr təşkil edib. Təbii qaz ixracında 0.5%, istehlakında isə 4.9 % artım qeydə alınıb.

Cari ilin ikinci rübündə SOCAR tərəfindən 1.4 milyon tondan çox neft, 679 milyon kubmetr qaz emal edilib. SOCAR-ın Azərbaycandakı müəssisələrində istehsal olunan 556.4 min ton neft, neft-kimya və qaz-kimya məhsulları xarici bazarlara ixrac edilib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

SOCAR rəsmiləri "Neptun" özüqalxan qazma qurğusuna səfər ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN