Polşa ilə Ukrayna arasında təhlükəsizlik sahəsində əməkdaşlığın genişləndirilməsi istiqamətində növbəti müzakirələr aparılıb. Tərəflər xüsusilə raket əleyhinə müdafiə sistemləri üzrə birgə fəaliyyət imkanlarını diqqət mərkəzində saxlayıblar.

BAKU.WS xəbər verir ki, Polşanın Baş naziri Donald Tusk sosial şəbəkədə paylaşdığı açıqlamada bildirib ki, Ukrayna Prezidenti Volodimir Zelenski onu Vaşinqtonda keçirilən danışıqların nəticələri barədə məlumatlandırıb.

Baş nazirin sözlərinə görə, görüş zamanı Polşa şirkətlərinin Ukraynaya investisiya yatırması perspektivləri, hava və raket əleyhinə müdafiə sahəsində əməkdaşlığın inkişafı, eləcə də Rusiyanın davam edən hərbi təcavüzünə qarşı Kiyevə göstərilən siyasi və praktiki dəstək ətrafında fikir mübadiləsi aparılıb.

Donald Tusk vurğulayıb ki, Polşa Ukraynanın təhlükəsizliyi və bərpası istiqamətində əməkdaşlığı davam etdirmək niyyətindədir.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

İlham Əliyev Vaşinqtonda Sülh Şurasının ilk iclasında iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Arda Gülerin paylaşdığı foto bütün dünyada viral oldu

Vətən müharibəsində Qələbənin beşinci ildönümünə həsr olunmuş Hərbi parad keçirilib