Göyçay rayonunda Şirvan suvarma kanalı yarılıb.

Hadisə rayonun Şəhadət-Qarabağlar kəndi ərazisindən keçən hissədə baş verib. Kanalın yarılması nəticəsində su yaxınlıqdakı, yerli sakinlərin "qobu" adlandırdığı dərin çökəkliyə axıb.

Aidiyyəti qurumdan bildirilib ki, sızma dəliyi qısa müddətdə təxminən 10 metrədək genişlənib.

"64 yaşım var, indiyə qədər bu kanalın yarıldığını nə görmüşəm, nə də eşitmişəm. Texnikalar gətirildi, kanalın suyu azaldıldı. Əgər vaxtında qarşısı alınmasaydı, kənd su altında qala bilərdi", - deyə sakinlərdən biri qeyd edib.

Şirvan Suvarma İstismarı İdarəsinin rəisi Əliqulu Abbasovun sözlərinə görə, hadisə köhnə çay yatağı üzərində inşa olunmuş hissədə torpaq qatından başlayan sızma nəticəsində baş verib:

"Kanalda suyun səviyyəsi azaldılıb, əraziyə canlı qüvvə və texnika cəlb olunub. Hazırda bərpa işləri aparılır. Axan su köhnə kollektor istiqamətinə yönləndirilib və əhali üçün hər hansı təhlükə yoxdur".

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

"Qobu Park" yaşayış kompleksində şərti yanğın təlimi keçirilib

Azərbaycanın Təbrizdəki konsulu Ramil İmranov Göyçayda dəfn olunub

Azov dənizində gəmiyə PUA hücumu zamanı yaralanan Azərbaycan vətəndaşları vəziyyətlərindən danışdılar

Qarabağ suvarma kanalı yenidən qurulur