Almaniyanın 100-dən çox şəhər və dairəsi anomal istilər və quraqlıq fonunda su istehlakına məhdudiyyətlər tətbiq edib.

"Report"un "Bild" nəşrinə istinadən məlumatına görə, su qıtlığı qış və yaz aylarında yağıntıların az olması, çaylarda suyun səviyyəsinin aşağı düşməsi və bir neçə ekstremal isti dalğası səbəbindən yaranıb.

Xüsusilə Münxendə bağ hovuzlarını doldurmaq, qazonları suvarmaq və avtomobilləri yumaq qadağan edilib. Hannoverdə havanın temperaturu 27°C-dən yuxarı olduqda bağların suvarılmasına qadağa qüvvədədir, Potsdamda isə dövlət saray bağlarının suvarılması dayandırılıb.

Artıq məhdudiyyətlərin tətbiq edildiyi 109 şəhər və dairənin əksəriyyətində görülən tədbirlər kənd təsərrüfatına təsir edib. O cümlədən tarlaların suvarılması üçün çaylardan və göllərdən su götürülməsi qadağan edilib.

Münxen Texniki Universitetinin professoru Yorq Drevesin sözlərinə görə, Almaniya təmizlənmiş çirkab sularının təkrar istifadəsini daha fəal şəkildə tətbiq etməli və su təchizatı infrastrukturunun inkişafına sərmayə yatırmalıdır. O xəbərdarlıq edib ki, suyun tam tükənməsi təhlükəsinin olmamasına baxmayaraq, ölkədə lokal su qıtlığı yarana bilər.

Oxşar xəbərlər

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Ağsu dolaylarındakı son durum: Sürüşmə riskini azaltmaq üçün tədbirlər görülür

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Milli Məclisə seçkilərdə lider namizədlərin adları açıqlanıb - YENİLƏNİB