Serbiya Prezidenti Aleksandar Vuçiç bildirib ki, suyun səviyyəsinin kritik dərəcədə azalması səbəbindən ölkədə Dunay çayında gəmiçilik bir neçə gündən sonra dayana bilər.

"Far.Az" xəbər verir ki, bu barədə hakim Serbiya Tərəqqi Partiyasının mətbuat xidməti məlumat yayıb.

Vuçiçin sözlərinə görə, suyun aşağı səviyyədə olması artıq Pançevo şəhərindəki NIS şirkətinin neft emalı zavodunun xammalla təminatında problemlər yaradır.

"Bir-iki gündən sonra Dunay gəmiçilik üçün yararsız olacaq. Bu gün hələ gəmiçiliyə yararlıdır, lakin gəmilər artıq su oturumunu azaltmaq məcburiyyətində qalırlar, bu isə daşınan yükün həcmini təxminən 50 % azaltmaq deməkdir", - prezident bildirib.

O həmçinin qeyd edib ki, vəziyyətlə əlaqədar böhran qərargahının iclası keçiriləcək. Hakimiyyət neft emalı zavodunun işinin dayanmasının qarşısını almaq üçün bütün zəruri tədbirləri görmək niyyətindədir.

Xatırladaq ki, daha əvvəl Serbiyanın Baş naziri Curo Matsut Dunayda suyun səviyyəsinin aşağı olması və su elektrik stansiyalarında istehsalın azalması səbəbindən ölkənin enerji sektorunda vəziyyətin mürəkkəb olaraq qaldığını bildirmişdi.

Oxşar xəbərlər

Prezident İlham Əliyev "AZWOOL" mineral daş yunu zavodunun açılışında iştirak edib

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Nazirlik sel təhlükəsi zamanı qorunmağın yollarını göstərdi

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3