Bu ilin II rübündə Azərbaycanda ödəniş kartları ilə ölkədaxili 1 milyon 74 min 526 manatlıq 5 305 fırıldaqçılıq halı baş verib.

"Report" bu barədə Azərbaycan Mərkəzi Bankına (AMB) istinadən xəbər verir.

Məlumata görə, bunlar, I rüblə müqayisədə müvafiq olaraq 20,4 % az və 6,2 % çoxdur.

Hesabat dövründə ödəniş kartları ilə ölkəxarici fırıldaqçılıq hallarının dəyəri 11 % azalaraq 289 min 423 manat olub, fırıldaqçılıq hallarının sayı isə 39,7 % azalaraq 3 633-ə düşüb.

II rübdə ölkədaxili baş vermiş fırıldaqçılığın 33,9 %-i hesabın ələ keçirilməsi (12,5 faiz bəndi çox), 66,1 %-i digər hallarla (12,5 faiz bəndi az), ölkəxarici fırıldaqçılıq hallarının isə 45,9 %-i kartın fiziki iştirakı olmadan (14,3 faiz bəndi az), 54,1 %-i digər hallarla (14,3 faiz bəndi çox) bağlı olub.

Aprel-iyun aylarında ölkədaxili fırıldaqçılığın 93,1 %-i (5,2 faiz bəndi az) elektron ticarət və mobil tətbiq üzərindən, 6,9 %-i (5,2 faiz bəndi çox) isə digər hallarda, ölkəxarici fırıldaqçılığın isə 92,8 %-i (12,2 faiz bəndi çox) elektron ticarət və mobil tətbiq üzərindən, 7,2 %-i (12,2 faiz bəndi az) isə digər hallarda baş verib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Vidadi Zeynalovun MİLYONLUQ əmlakları hərraca çıxarılır

Bu ilin ilk rübündə Qəbələdə 1381 uşağa reabilitasiya xidmətləri göstərilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ