Sağlam həyat tərzinin əsas şərtlərindən biri kifayət qədər yuxudur. Mütəxəssislər bildirirlər ki, yuxunun müddəti yaşdan asılı olaraq dəyişsə də, əksər böyüklər üçün gecə 7-9 saat yuxu optimal hesab edilir.

BAKU.WS xəbər verir ki, həkimlərin sözlərinə görə, 18-64 yaş arası şəxslərin hər gecə orta hesabla 7-9 saat, 65 yaşdan yuxarı insanların isə 7-8 saat yatması tövsiyə olunur. Yeniyetmələrin 8-10 saat, məktəb yaşlı uşaqların isə 9-12 saat yuxuya ehtiyacı var.

Mütəxəssislər qeyd edirlər ki, təkcə yuxunun müddəti deyil, keyfiyyəti də böyük əhəmiyyət daşıyır. Tez-tez oyanmaq, gec yatmaq və ya yuxusuz qalmaq diqqət dağınıqlığı, yaddaş zəifləməsi, immun sisteminin zəifləməsi, ürək-damar xəstəlikləri və piylənmə riskini artıra bilər.

Sağlam yuxu üçün hər gün eyni saatda yatıb oyanmaq, yatmazdan əvvəl telefon və digər elektron cihazlardan istifadəni məhdudlaşdırmaq, axşam saatlarında kofein qəbulunu azaltmaq və yataq otağında sakit, qaranlıq mühit yaratmaq tövsiyə edilir.

Mütəxəssislər vurğulayırlar ki, uzun müddət davam edən yuxu problemləri və ya gün ərzində daimi yorğunluq hissi yaranarsa, həkimə müraciət etmək vacibdir. Belə hallar yuxu pozuntuları və ya digər sağlamlıq problemlərinin əlaməti ola bilər.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Ağsu dolaylarındakı son durum: Sürüşmə riskini azaltmaq üçün tədbirlər görülür

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2