Azərbaycanda 16 yaşına çatmamış uşaqların sosial şəbəkələrdən istifadəsinin məhdudlaşdırılması ilə bağlı yeni qaydalar qüvvəyə minib. Prezident İlham Əliyevin imzaladığı Fərmanla bu sahədə qanunun tətbiqi təmin olunacaq. Məqsəd uşaqların internet mühitində təhlükəsizliyini gücləndirmək və onları zərərli məzmunlardan qorumaqdır.

Mövzu ilə bağlı BAKU.WS-ə danışan Milli Məclisin deputatı Fazil Mustafa bildirib ki, qəbul edilən qərarın uğurlu nəticə verməsi üçün təkcə dövlətin deyil, valideynlərin də üzərinə böyük məsuliyyət düşür:

"Bu prosesin əsas nəzarəti valideynlərin üzərinə düşür. Qanunun effektiv işləməsi üçün valideynlərin dəstəyinə ehtiyac var. Uşaqların sosial şəbəkələrdən istifadəsinə nəzarət təkcə dövlət qurumlarının üzərinə düşə bilməz".

Deputat qeyd edib ki, ev daxilində dövlətin bu prosesi tənzimləməsi mümkün deyil:

"Cəmiyyətin bütün təbəqələri birlikdə hərəkət etməlidir ki, uşaqlar bu təhlükələrdən qoruna bilsinlər".

Şahanə Xankişiyeva

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Uşaqların zərərli informasiyadan qorunmasına yönəlmiş normativ hüquqi akt layihəsi müzakirə olunub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN