Ukrayna və Böyük Britaniya bəzi silah növlərinin birgə istehsalı imkanlarını, eləcə də Ukrayna şəhərlərinin və icmalarının ballistik təhdidlərdən qorunmasının gücləndirilməsini müzakirə edib.

"Report" xəbər verir ki, bu barədə Ukrayna Prezidenti Volodimir Zelenski Kiyevdə Böyük Britaniyanın yeni müdafiə naziri Ues Stritinqlə görüşünün yekunlarına dair sosial şəbəkələrdə yazıb.

"Böyük Britaniyanın Ukraynaya şəhərləri və icmaları bu cür ballistik təhdidlərdən daha yaxşı qorumağa necə kömək edə biləcəyini - həm ikitərəfli, həm də çoxtərəfli səviyyədə, - qıt avadanlıqların tədarükünə kömək edərək artıq dəfələrlə etdiyi kimi, müzakirə etdik. Xüsusilə də, ayrı-ayrı silah növlərinin birgə istehsal imkanlarını barədə danışdıq. Həm Britaniya, həm də Ukrayna müharibənin sınağından çıxmış güclü imkanlara malikdir", - o yazıb.

Bundan əlavə, görüşdə ballistik raketlərin istehsalına cəlb olunmuş Rusiya müəssisələrinə qarşı sanksiyalar ətrafında fikir mübadiləsi aparılıb.

Oxşar xəbərlər

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Sumqayıt Sənaye Parkında karton və qutu taralarının istehsalı müəssisəsinin açılışı olub

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib