Ukraynalılar müharibədə öz ölkələrinin qələbəsinə əmindirlər: 59%-i buna tam əmindir, 23%-i isə Ukraynanın böyük ehtimalla qalib gələcəyini düşünür.

"Report" xəbər verir ki, bu, Kiyev Beynəlxalq Sosiologiya İnstitutunun 16-31 iyul tarixlərində keçirdiyi sorğunun nəticələrində əks olunub.

"Əhalinin əksəriyyəti (82%) müharibədə məhz Ukraynanın qalib gələcəyini hesab edir, onlardan 59%-i buna tam əmindir, qalan 23%-i isə Ukraynanın böyük ehtimalla qalib gələcəyini düşünür", - institut qeyd edib.

Eyni zamanda, ukraynalıların 39%-i hesab edir ki, hazırda döyüş meydanında üstünlük Ukraynadadır. 7%-i isə vəziyyətin Rusiyanın xeyrinə cərəyan etdiyini düşünür. 32%-i tərəflərdən heç birinin üstünlüyə malik olmadığını hesab edir, 22%-i isə cavab verməkdə çətinlik çəkib.

Müharibənin başa çatma müddətinə gəldikdə, respondentlərin 22%-i onun bu ilin sonunadək bitəcəyini gözləyir. 13%-i hərbi əməliyyatların növbəti ilin birinci yarısında, 39%-i isə ikinci yarısında və ya daha gec bitəcəyini düşünür. 26%-i isə müddəti proqnozlaşdıra bilməyib.

Bundan əlavə, ukraynalıların 63%-i ölkənin gələcəyini nikbin qiymətləndirir və 10 ildən sonra Ukraynanın Avropa İttifaqının üzvü olacağını və çiçəklənən iqtisadiyyata malik olacağını hesab edir. 23%-i bədbin fikirdədir və ölkənin dağıdılmış vəziyyətdə qalacağını düşünür, 14%-i isə qərarsızdır.

Sorğu 16-31 iyul tarixlərində CATI metodu və şəxsi müsahibələr vasitəsilə keçirilib. Tədqiqatda Ukraynanın nəzarətində olan ərazidə yaşayan 18 və daha yuxarı yaşda 1808 vətəndaş iştirak edib.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub