Avropa diplomatiyasının rəhbəri Kaya Kallas Rəfahda və İordan çayının Qərb sahilindəki iki Avropa İttifaqının (Aİ) missiyasının mandatlarının 2027-ci ilin iyun ayının sonunadək uzadılmasına görə İsrailə təşəkkür edib.

"Report" xəbər verir ki, bu barədə Kallas "X" sosial şəbəkəsindəki səhifəsində yazıb.

"İsrail hakimiyyətinin Rəfahda və İordan çayının Qərb sahilində Ümumi Təhlükəsizlik və Müdafiə Siyasəti (CSDP) çərçivəsində iki Aİ missiyasının mandatlarını 2027-ci ilin iyun ayının sonuna qədər uzatmaq qərarı bir neçə aylıq diplomatik danışıqlardan sonra atılmış mühüm addımdır", - o bildirib.

Kallas qeyd edib ki, Aİ BMT Təhlükəsizlik Şurasının qətnaməsi ilə təsdiqlənmiş Qəzzaya dair sülh planını dəstəkləməyə davam edəcək.

"Missiyaların dəqiq bir məqsədi var: sərhəd-keçid məntəqələrində təhlükəsizliyin və işin səmərəliliyinin artırılmasına kömək etmək, Fələstin polisini dəstəkləmək və regionda sabitliyə töhfə vermək", - o vurğulayıb.

Oxşar xəbərlər

İlham Əliyev Vaşinqtonda Sülh Şurasının ilk iclasında iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Prezident İlham Əliyev Vaşinqtonda Sülh Şurasının ilk iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2