Türkiyə və Pakistan münasibətlərinin regional miqyası getdikcə daha çox əhəmiyyət qazanır.

"Report" "TRT Haber"ə istinadən xəbər verir ki, bunu Türkiyənin Vitse-prezidenti Cevdet Yılmaz Ankarada Pakistanın Müstəqillik Günü münasibətilə təşkil olunmuş tədbirdə çıxışı zamanı deyib.

C. Yılmaz Səudiyyə Ərəbistanı, Türkiyə və Pakistan arasında imzalanan birgə müdafiə haqqında Məkkə sazişinin əhəmiyyətinə də toxunub.

"Türkiyə, Pakistan və Səudiyyə Ərəbistanı arasında imzalanmış birgə müdafiə sazişi - Məkkə sazişi bu baxımdan yalnız üç ölkə arasındakı müdafiə əməkdaşlığının inkişaf etdirilməsinə yönəlmiş bir tənzimləmə deyil. Bu saziş üç qardaş ölkənin ortaq təhlükəsizlik anlayışını, həmrəylik iradəsini, regional sülh və sabitliyi qoruma qətiyyətini nümayiş etdirən son dərəcə mühüm, tarixi addımdır", - vitse-prezident deyib.

O, Türkiyənin Pakistanla bütün sahələrdə əlaqələrini daha da gücləndirməyə davam edəcəyini qeyd edib.

Oxşar xəbərlər

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

20 Sentyabr - Neftçilər Günü münasibətilə tədbir keçirilib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Buxarestdə Azərbaycanın Müstəqillik Gününə həsr olunmuş tədbir keçirilib