ABŞ Prezidenti Donald Tramp Hörmüz boğazının minalardan təmizləndiyini bəyan edib.

"Far.Az" xəbər verir ki, o bu barədə "Truth Social"da bildirib.

Tramp vurğulayıb ki, yeni minaların yerləşdirilməsinə qarşı sıfır tolerantlıq siyasəti qüvvədədir.

"ABŞ Hərbi Dəniz Qüvvələri indicə mənə məlumat verib ki, Hörmüz boğazının beynəlxalq suları minalardan təmizlənib. İrana xəbərdarlıq edilib ki, yeni minalar yerləşdirən gəmilər və ya qayıqlar dərhal və sistematik şəkildə məhv ediləcək", - o yazıb.

Tramp əlavə edib ki, ABŞ Kosmik Qüvvələri Hörmüz boğazının bütün ərazisində müntəzəm monitorinq keçirir. Onun sözlərinə görə, "Pikeks-Mauntin" və İranın əvvəllər məhv edilmiş digər üç nüvə obyekti üzərində də eyni qaydada müşahidə aparılır.

Daha əvvəl "Tasnim"də yayılan məlumata görə, İran Hörmüz boğazı ilə bağlı şərtlərini vasitəçi qismində Pakistana təqdim edib. Əsas şərt isə İslamabad Anlaşma Memorandumunun 5-ci bəndi - Hörmüz boğazının İranın nəzarətində olmasına aidir.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycanda planşetlərdə "Chrome"un payı 18 % azalıb

Azərbaycanda "Chrome"un bazar payı iki ayda 8 %-dən çox azalıb

"Safari"nin Azərbaycandakı bazar payı 3 ayda 2 dəfədən çox azalıb