Fransanın cənubundakı Od departamentinin Poma kommunasında baş verən fırtına nəticəsində təxminən 3 000 ev elektriksiz qalıb.

"Report"un regional prefekturaya istinadən məlumatına görə, fəlakət nəticəsində 26 nəfər yaralanıb. Onların vəziyyəti orta ağır hesab olunur.

Bundan əlavə, təxminən 100 evə ciddi ziyan dəyib.

Hadisə yerinə 115 yanğınsöndürən və xilasedici göndərilib. Ərazidə aşan ağaclar nəqliyyatın hərəkətini çətinləşdirib.

Qasırğanın bölgədən keçən güclü ildırım cəbhəsi fonunda yarandığı bildirilir.

"Meteo-France" Milli Meteorologiya Xidməti Fransanın cənubundakı 20 departamentində, o cümlədən Odda ildırım leysan yağışları ilə bağlı narıncı xəbərdarlıq elan edərək, şiddətli hava şəraiti riskinin olduğunu vurğulayıb.

Od departamentidə bir saat ərzində 30 mm-dən çox yağıntı qeydə alınıb. Küləyin sürəti saniyədə 32,5 metrə çatıb.

Oxşar xəbərlər

Şimal-qərb bölgəsində leysan yağışları olub, dolu düşüb

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Güclü qar Qəbələnin dağlıq kəndlərinə gediş-gəlişi çətinləşdirib

Kürdəmirdə leysan yağış nəqliyyatın və sakinlərin hərəkətini çətinləşdirib

Ülvi Mehdiyev Baku TV-yə müsahibə verib