Prezident İlham Əliyevin Özbəkistana dövlət səfəri çərçivəsində ölkəmizdə həyata keçirilən tədbirlərlə yanaşı, Laçın şəhərinin Buxara şəhəri ilə qardaşlaşmasına dair sazişin imzalanması da mühüm hadisə oldu.

Far.Az xəbər verir ki, bu sözləri AZƏRTAC-a açıqlamasında Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov deyib.

O diqqətə çatdırıb ki, bu, regionlararası əlaqələrimizin daha da genişlənməsi baxımından əhəmiyyətlidir. "Qarşılıqlı təcrübə mübadiləsinin aparılması, mövcud imkanlardan səmərəli istifadə edilməsi və iqtisadi əməkdaşlığın genişləndirilməsi əsas istiqamətlərdəndir",- deyə M.Məmmədov əlavə edib.

Laçında qarşıya qoyulan planların ilbəil uğurla reallaşdırıldığını vurğulayan Prezidentinin xüsusi nümayəndəsi deyib: "Yeni yaşayış məhəllələri inşa edilir, keçmiş məcburi köçkünlərin doğma yurdlarına qayıdışı təmin olunur, şəhərə köçən əhalinin məşğulluğu üçün imkanlar yaradılır. Eyni zamanda, formalaşdırılan müasir şəhər mühitinin qorunması və gələcəkdə daha da inkişaf etdirilməsi istiqamətində ardıcıl işlər həyata keçirilir".

Oxşar xəbərlər

İlham Əliyev Zəngilanda ilk yaşayış kompleksinə köçən ailələrlə görüşüb

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Prezident və birinci xanım Şükürbəyli kəndinə köçən sakinlərlə görüşüblər - YENİLƏNİB

İlham Əliyev Ağdamda 2-ci yaşayış kompleksinin açılışında iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib