Avropa Komissiyasının sədri Ursula fon der Lyayen Qrenlandiyaya səfəri zamanı Aİ-Qrenlandiya birgə bəyannaməsini imzalayacaq.

"Far.Az"un Avropa bürosu xəbər verir ki, bu barədə Brüsseldə keçirilən brifinqdə Avropa Komissiyasının mətbuat xidmətinin rəhbəri Paula Pinyo bildirib.

Pinyonun sözlərinə görə, fon der Lyayen sentyabrın 6-7-nə planlaşdırılan səfəri zamanı Qrenlandiya, Danimarka və Farer adalarının baş nazirləri Yens-Frederik Nilsen, Mette Frederiksen və Aksel Yohannesenlə görüşəcək.

"Bu səfər Avropanın Qrenlandiyaya, onun təhlükəsizliyinə və Avropa İttifaqının (Aİ) əsas prioriteti olan əməkdaşlığa sadiqliyini göstərir", - o bildirib.

Avropa Komissiyasının rəhbərini Avropanın beynəlxalq tərəfdaşlıq üzrə komissarı Yozef Sikela və Aİ-nin Arktika ilə əlaqələr üzrə xüsusi müşaviri müşayiət edəcək.

Səfər Arktikanın təhlükəsizliyinə və Qrenlandiyanın suverenliyi məsələsinə artan diqqət fonunda baş tutur.

Oxşar xəbərlər

İlham Əliyev və Ursula Fon der Lyayen mətbuata bəyanatlarla çıxış ediblər - YENİLƏNİB

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Pinyo: Ursula fon der Lyayenin Cənubi Qafqaza səfəri sülh prosesi və regional əlaqəliliyə yönəlib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3