Göyçay, Salyan, Qazax, Şəmkir, Tovuz və Masallı rayonlarının bir sıra ərazilərində qaz təchizatında müvəqqəti fasilələr yaranacaq.

Far.Az xəbər verir ki, "Azəriqaz" İstehsalat Birliyi tərəfindən aparılacaq təmir-quraşdırma işləri və qaz sızmalarının aradan qaldırılması ilə əlaqədar bir neçə rayonun yaşayış məntəqələrində qazın verilişi dayandırılacaq.

Magistral qaz kəmərinə yeni çəkilmiş xəttin və qaztənzimləyici qurğuların qoşulması, həmçinin ehtiyat qaz kəmərlərinin əsas qaz kəmərindən ayrılması ilə əlaqədar noyabrın 2-dən 5-dək Göyçay rayonunun bir sıra kəndlərində qaz təchizatı dayandırılacaq.

Fasilə Mirzəhüseynli, İkinci Ərəbcəbirli, Şəhadət, Qarabağlar, Üngütlü, Mallı Şıxlı, Ərəbşahverdi, Xəlitli, Yeniarx, Hacıağabəyli, Müskürlü, Qəbələ Müskürlü, Çərəkə, Çərəcə və Şıxlar kəndlərini əhatə edəcək.

Bundan əlavə, təmir-quraşdırma işləri ilə əlaqədar oktyabrın 30-da saat 10:00-dan işlər başa çatanadək Salyan şəhərinin bir neçə küçəsində qaz təchizatı müvəqqəti dayandırılacaq.

Aşkar edilmiş qaz sızmalarının aradan qaldırılması və təmir-quraşdırma işləri ilə əlaqədar oktyabrın 30-da saat 09:30-dan işlər yekunlaşanadək Qazax rayonunun Kosalar kəndində, Şəmkir rayonunun Dəllər Cəyir kəndində və Tovuz rayonunun bir hissəsində də qaz təchizatında fasilə yaranacaq.

Həmçinin, oktyabrın 30-da saat 10:00-dan işlər başa çatanadək Masallı rayonunun Boradigah qəsəbəsində, Mollaoba, Babaser və Bədəlan kəndlərində, eləcə də Türkoba kəndinin bir hissəsində qaz təchizatı dayandırılacaq.

Oxşar xəbərlər

Göyçayın İkinci Ərəbcəbirli kəndi içməli su ilə təmin edilib

Qazaxın İkinci Şıxlı kəndində yanacaqdoldurma məntəqəsi və TIR parkı tikilir? - NARAZILIQ

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Ağalı və Məmmədbəyli kəndlərində Novruz festivalı və sərgi-satış yarmarkası keçirilib

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB