Nepalın Çinlə sərhəd rayonlarında dağıdıcı daşqın nəticəsində həlak olanların sayı 675 nəfərə çatıb.

"Far.Az" "The Times of Israel"ə istinadən xəbər verir ki, bu barədə NepalınTəbii Fəlakətlərlə Mübarizə Agentliyi məlumat yayıb.

Daha əvvəl Çinin dövlət KİV-ləri çərşənbə günü baş vermiş təbii fəlakət nəticəsində Tibetdə yeddi nəfərin həlak olduğunu bildirmişdi.

Beləliklə, Nepal və Tibetdə həlak olanların ümumi sayı 682 nəfərə çatıb.

16:32

Nepalda daşqın nəticəsində ölənlərin sayı 669 nəfərə çatıb.

"Far.Az" "Nepal News"a istinadən xəbər verir ki, yenilənmiş məlumatları ölkə hökuməti açıqlayıb.

Bildirilib ki, 2 426 nəfər itkin düşmüş hesab olunur.

Bundan əvvəl Nepalın Təbii Fəlakət Riskinin Azaldılması və İdarə Edilməsi üzrə Milli İdarəsi xilas edilən 4 451 nəfər və xəstəxanalarda müalicə alan 101 zərərçəkən barədə məlumat vermişdi.

09:44

Nepalda daşqın nəticəsində ölənlərin sayı 629 nəfərə çatıb, 2 426 nəfər isə itkin düşmüş hesab olunur.

"Far.Az" xəbər verir ki, bu məlumatları Nepalın Təbii Fəlakətlərlə Mübarizə Agentliyi açıqlayıb.

Daha əvvəl 616 nəfərin öldüyü bildirilmişdi.

Nepalın maliyyə naziri Svarnim Vaqle isə "Reuters"ə bildirib ki, daşqından sonra bərpa işləri üçün ölkəyə 4-5 milyard dollara qədər vəsait lazım olacaq.

"Bu, sadəcə təxmini qiymətləndirmədir. Dəyən ziyan və itkilər hazırda hesablanır", - o bildirib.

Xarici işlər naziri Şişir Xanal isə qeyd edib ki, Nepalın insanların tunellərdən xilas edilməsi, nəqliyyat və kommunikasiya infrastrukturunun bərpası, ölənlərin şəxsiyyətinin müəyyənləşdirilməsi və DNT testlərinin keçirilməsi daxil olmaqla, ixtisaslaşdırılmış və texniki sahələrdə xarici yardıma ehtiyacı var.

Nepal hökuməti həmçinin beynəlxalq axtarış-xilasetmə qruplarını cəlb etməmək barədə qərarı ləğv edib.

Medianın məlumatına görə, müvafiq qərar vətəndaşları itkin düşmüş ölkələrin diplomatik təzyiqindən sonra qəbul edilib.

Xatırladaq ki, avqustun 26-da səhər Nepalın şimalında güclü daşqın baş verib. İlkin məlumata görə, buna səbəb "Rasuvaqadi" sərhəd keçid məntəqəsindən təxminən 20 kilometr şimal-şərqdə Nepal-Çin sərhədində baş verən qaya uçqunu olub. Yüzlərlə insan, o cümlədən təxminən 500 xarici vətəndaş itkin düşüb.

Oxşar xəbərlər

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

Nepalda daşqın nəticəsində ölənlərin sayı 669-a çatıb - YENİLƏNİB

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib