ABŞ Prezidenti Donald Trampın Venesuela hakimiyyəti ilə neftə dair sövdələşməsi Vaşinqtonun "North American Blue Energy Partners" özəl şirkətində birbaşa pay almasını nəzərdə tutur ki, bu şirkətə də ölkə ehtiyatlarının beşdə birini təşkil edən təxminən 65 milyard barel ehtiyata malik 17 Venesuela neft yatağı üzərində yüzillik hüquqlar veriləcək.

"Report" xəbər verir ki, bu barədə ekspertlərə istinadən "The Wall Street Journal" (WSJ) yazıb.

Pentaqon öz səlahiyyətlərini genişləndirərək layihəni maliyyələşdirməyə kömək edəcək və hasilatdan fayda əldə edəcək. WSJ yazıb ki, ABŞ 35 faizlik pay və hasilatın 20 %-ni maya dəyərinə almaq üçün üstünlük hüququ əldə etməyi planlaşdırır.

"Əgər bu sövdələşmə Venesuelanın gələcək hökumətləri dövründə də qüvvədə qalarsa, Tramp ABŞ-ni şist inqilabının çərçivəsindən kənara çıxan strateji neft ehtiyatları ilə təmin edəcək", - "Rystad Energy"dən olan analitik Şrayner Parker bildirib və əlavə edib ki, bu barellərin real hasilata necə çevriləcəyi barədə hələ də qeyri-müəyyənlik mövcuddur.

Tramp və Venesuelanın prezidenti səlahiyyətlərini icra edən Delsi Rodriqes sövdələşmənin parametrlərini elandan bir neçə gün əvvəl telefon danışığında razılaşdırıblar. Razılaşma hökumətlər səviyyəsində müzakirə edilsə də, ABŞ Venesuela dövlətinin kontragenti deyil, özəl şirkətin investoru olacaqdı. Qəzet yazıb ki, ABŞ-nin müqavilə bağladığı "North American Blue Energy Partners" şirkətinin rəhbəri Alexandro Betankurun Rodriqeslə sıx əlaqələri var - İspaniya və İsveçrədə ona qarşı çirkli pulların yuyulmasına dair araşdırmalar aparılıb, lakin heç bir ittiham irəli sürülməyib.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2