ABŞ-nin Nyu-Cersi ştatının Trenton şəhərində baş verən atışmada iki nəfər ölüb, doqquz sakin yaralanıb.

"Report" "NBC News"a istinadən xəbər verir ki, bu barədə yerli polis məlumat yayıb.

Məlumata görə, naməlum şəxslər bazar gününə keçən gecə barbekü ziyafətinə toplaşan yerli sakinlərə atəş açıblar. Şahidlərin sözlərinə görə, tədbirdə 150-yə yaxın insan olub.

Hadisə yerinə polis, müstəntiqlər və tibb işçiləri cəlb edilib. Bütün zərərçəkənlər xəstəxanaya yerləşdirilib.

Bazar günü səhər tezdən polis hadisə yerindən təxminən iki mil aralıda yerləşən "Capital Health" Regional Tibb Mərkəzinin girişini mühasirəyə alıb. Atışma zamanı mərkəzin yaxınlığında park edilmiş avtomobilə də ziyan dəyib.

İş üzrə istintaq davam edir.

Oxşar xəbərlər

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Azərbaycanın tibb işçiləri NATO-nun təlimində iştirak edib

Lökbatandakı yanğına helikopterlər indiyədək 150 ton su töküb - YENİLƏNİB-4