ABŞ Prezidenti Donald Tramp Amerika mediasını sosioloji sorğuların qeyri-dəqiq nəticələrini dərc etməkdə ittiham edib və Federal Rabitə Komissiyasını (FRK) tədbir görməyə çağırıb.

"Report" xəbər verir ki, Amerika lideri müvafiq bəyanatla "Truth Social" sosial şəbəkəsində çıxış edib.

"Dürüst olmayan medianın istifadə etdiyi saxta sorğular nəzarətdən çıxıb və bununla bağlı nəsə etmək lazımdır. Köməyə gəl, Federal Rabitə Komissiyası!" - Tramp yazıb.

FRK ABŞ-də televiziya və radio efirinin, eləcə də ölkədəki müxtəlif rabitə vasitələrinin istifadəsini tənzimləyən müstəqil federal qurumdur.

Son aylarda Amerikanın aparıcı media resursları tərəfindən dərc olunan bir çox sosioloji sorğuların nəticələri Trampın reytinqinin aşağı düşdüyünü göstərir.

Amerika lideri həmçinin NBC telekanalının jurnalisti Kristen Uelkerdən FRK-ya şikayət göndəriləcəyini də bildirib. Trampın sözlərinə görə, jurnalist onun Respublikaçılar Partiyasının ilkin seçkilərində namizədləri dəstəkləməsinin "qarışıq nəticələr" verdiyini bildirib.

Tramp bunu "qəsdən edilən qeyri-dəqiqlik" adlandıraraq vurğulayıb ki, onun dəstəyi, respublikaçı namizədlərə partiyadaxili mübarizədə qələbəni və Konqresə aralıq seçkilərində irəli sürülməni praktiki olaraq zəmanət verir.

ABŞ Konqresinə aralıq seçkilər 3 noyabra planlaşdırılıb. Səsvermə gedişatında Senatın tərkibinin üçdə biri və bütün Nümayəndələr Palatası yenidən seçiləcək.

Oxşar xəbərlər

Bakıda Azərbaycan səhiyyəsi üçün önəmli tədbir keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2