ABŞ-dəki məşhur "Times" meydanında silahlı hücum edilib.

Far.Az xəbər verir ki, hadisə günorta saatlarında Manhettendə, 7-ci prospekt yaxınlığında baş verib

İki böyük mətbəx bıçağı ilə ətrafdakılara hücum edən 49 yaşlı qadın bir nəfərin ölümünə, bir nəfərin isə ağır yaralanmasına səbəb olub.

Nyu-York Polis Departamentinin (NYPD) məlumatına görə, Kvins sakini olan 49 yaşlı Pamela Sisneros metrodan çıxdıqdan sonra qırmızı çantasından iki bıçaq çıxararaq küçədəki insanlara hücum çəkib.

İlk olaraq həyat yoldaşı ilə birlikdə yolu keçməyə çalışan 68 yaşlı kişiyə yaxınlaşan Sisneros, onu qarın nahiyəsindən bıçaqlayıb. Yaralı dərhal xəstəxanaya kaldırılıb, vəziyyətinin stabil olduğu bildirilir.

Bu hücumdan cəmi 20 saniyə sonra saldırğan 42-ci küçə istiqamətinə yönələrək 32 yaşlı başqa bir qadına hücum edib. Qarnından ağır xəsarət alan gənc qadın həkimlərin bütün səylərinə baxmayaraq xəstəxanada həyatını itirib. Hücumların tamamilə təsadüfi və heç bir təhrik olmadan törədildiyi vurğulanır.

Hadisə yerinə gələn polis bıçaqlı qadını mühasirəyə alaraq silahı yerə qoymasını tələb edib.

Sisneros əlindəki bıçaqları yelləyərək polisin üzərinə doğru hərəkət etdikdə məcbur qalaraq ona atəş açıblar.

Polis tərəfindən vurulan qadın xəstəxanada keçinib.

NYPD hücumun terrorla hər hansı bir əlaqəsinin olmadığını açıqlayıb.

Oxşar xəbərlər

Nyu-Yorkun "Times" meydanında Zəfər Günü ilə bağlı məlumatlandırma aksiyası keçirilir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan bayrağı Nyu-York səmasına qaldırılıb