Türkmənistan 2027-2028-ci illər üçün Dənizə Çıxışı Olmayan İnkişaf Etməkdə Olan Ölkələr Qrupunun (LLDCs) sədri, Azərbaycan isə vitse-sədri seçilib.

"Far.Az" xəbər verir ki, bu barədə "Turkmenportal" məlumat yayıb.

Qeyd olunub ki, müvafiq qərar qrupun Nyu-Yorkda BMT yanında daimi nümayəndələr səviyyəsində keçirilən görüşündə qəbul edilib.

Regional qruplardan Laos, Burundi, Çad, Ruanda və Paraqvay da rəhbər büronun tərkibinə seçilib.

Sədrlik Türkmənistana (səlahiyyətlərinin icrasına 1 yanvar 2027-ci ildən başlamaqla) iki il ərzində dənizə çıxışı olmayan inkişaf etməkdə olan 32 ölkənin maraqlarını təmsil edərək, qrupun fəaliyyətini, o cümlədən ölkə üçün prioritet hesab edilən enerji və nəqliyyat əlaqələri üzrə istiqamətləri koordinasiya etməyə imkan verəcək.

Bildirilib ki, rəhbərlər bürosunun tərkibi həmçinin 2026-cı il sentyabrın 24-də Nyu-Yorkda, BMT-nin mənzil-qərargahında keçiriləcək LLDCs nazirlər görüşünün yekun bəyannaməsi ilə təsdiqlənəcək.

Bu ilin noyabr-dekabr aylarında BMT-nin ən az inkişaf etmiş ölkələr, dənizə çıxışı olmayan inkişaf etməkdə olan ölkələr və inkişaf etməkdə olan kiçik ada dövlətləri üzrə Ali Nümayəndəsinin İdarəsi (OHRLLS) ilə birlikdə Türkmənistanın 2027-2028-ci illərdə qrupa sədrliyinə dair yol xəritəsi layihəsinin hazırlanması planlaşdırılır.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident Ərəb Koordinasiya Qrupuna üzv qurumların rəhbər şəxslərini qəbul edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycanla Ruanda arasında sənədlər mübadilə olunub, prezidentlər mətbuata bəyanatlarla çıxış edib

Prezident İlham Əliyev Bakı Enerji Həftəsinin rəsmi açılış mərasimində iştirak edib