Evdən işləyən insanlar uzun müddət hərəkətsiz vəziyyətdə kompüter qarşısında qaldıqları üçün daha çox bel və diz ağrılarından əziyyət çəkə bilərlər.

Far.Az xəbər verir ki, idman təbabəti üzrə mütəxəssis Maykl Frederikson HuffPost-a açıqlamasında bildirib ki, uzaqdan işləyənlər günün böyük hissəsini oturaq vəziyyətdə keçirirlər.

Həkimin sözlərinə görə, insan gündə 7-8 saat eyni vəziyyətdə qaldıqda əzələlər uzun müddət gərgin vəziyyətdə olur və hərəkət məhdudiyyəti yaranır.

Bu vəziyyət zamanla insanın duruşuna və yerişinə təsir göstərərək boyun, bel və dizlərə düşən yükü artıra bilər.

Mütəxəssis oturaq həyat tərzinin mənfi təsirlərini azaltmaq üçün gün ərzində mütəmadi fiziki hərəkət etməyi tövsiyə edib. O bildirib ki, yalnız axşam saatlarında idmanla məşğul olmaq gün ərzində uzun müddət oturmağın yaratdığı problemləri tam aradan qaldırmır.

Həkim hər 30 dəqiqədən bir 5 dəqiqəlik fasilə verməyi, bu zaman ayağa qalxaraq gəzməyi, yüngül hərəkətlər və dartınma məşqləri etməyi məsləhət görüb.

Mütəxəssislər hesab edirlər ki, iş zamanı qısa, lakin müntəzəm fasilələrin verilməsi əzələlərin uzun müddət gərgin qalmasının qarşısını almağa və oturaq işin orqanizmə təsirini azaltmağa kömək edə bilər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Şəhidlər xiyabanına xalq ziyarəti axşam saatlarında da davam edir

Ağsu dolaylarındakı son durum: Sürüşmə riskini azaltmaq üçün tədbirlər görülür

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN