UEFA Çempionlar Liqasının əsas mərhələsinin I turunda keçiriləcək "Mançester Yunayted" - "Sabah" oyunu Azərbaycan təmsilçilərinin İngiltərə klublarına qarşı 12-ci dueli olacaq.

"Far.Az"un məlumatına görə, əvvəlki 11 matçın hamısında "Qarabağ" iştirak edib.

10 görüşdə rəqiblərinə uduzan "köhlən atlar" yalnız bir dəfə heç-heçəyə nail olub.

İlk qarşılaşma 2015-ci ildə gerçəkləşib. Qurban Qurbanovun baş məşqçisi olduğu kollektiv UEFA Avropa Liqasının qrup mərhələsində "Tottenhem"ə rəqib olub. London təmsilçisi hər iki görüşdə qalib gəlib - 3:1, 1:0.

"Qarabağ" ardınca UEFA Çempionlar Liqasının qrup mərhələsində bu ölkənin "Çelsi" komandası ilə üz-üzə gəlib. İngiltərədə 6 cavabsız qola üzülən ağdamlılar Bakıda 0:4 hesabı ilə uduzub.

"Köhlən atlar" 2018-ci ildə UEFA Avropa Liqasının qrup mərhələsində "Arsenal"la qarşılaşıb. Azərbaycan çempionu bu dəfə də hər iki qarşılaşmadan məğlub ayrılıb - 0:3, 0:1.

Qurban Qurbanovun rəhbərlik etdiyi kollektiv 2024-cü ildə UEFA Avropa Liqasının Liqa mərhələsində "Tottenhem"lə səfərdə münasibətlərə aydınlıq gətirib. Londonlular 3:0 hesablı qələbəyə seviniblər.

Azərbaycan təmsilçisi ötən ilin noyabrında Çempionlar Liqasının əsas mərhələsində Bakıda "Çelsi" ilə heç-heçə edib - 2:2. Ardınca İngiltərədə "Liverpul"a 6 cavabsız qolla yenilən komanda Liqa mərhələsindən pley-offa vəsiqə qazanıb və burada da İngiltərə klubu ilə üz-üzə gəlib.

Bakıda "Nyukasl"a 1:6 hesabı ilə uduzan "Qarabağ" İngiltərədə də məğlubiyyətdən qaça bilməyib - 2:3.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

İlham Əliyev Cəbrayılın Horovlu kəndinin birinci mərhələsinin açılışında iştirak edib

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

"Qarabağ" İngiltərə klublarına qarşı: Azərbaycan çempionu əvvəlki 8 oyunda qələbə qazanmayıb

Konfrans Liqası: "Neftçi" öndə olduğu matçda "Dinamo"ya uduzub - YENİLƏNİB-9